BOPV nº 78 · · Medio Ambiente, Planificación Territorial, Agricultura y Pesca
ORDEN de 9 de marzo de 2011, de la Consejera de Medio Ambiente, Planificación Territorial, Agricultura y Pesca, por la que se procede a convocar, para el ejercicio 2011, las ayudas a la transformación y comercialización de productos derivados de la pesca y la acuicultura (Programa Lehiatu-Arrantza), al amparo del Decreto 226/2010, de 31 de agosto.
Arrantzako eta akuikulturako produktuak eraldatu eta merkaturatzeko laguntzei buruzko abuztuaren 31ko 226/2010 Dekretuak (Lehiatu-Arrantza Programa) arrantzako eta akuikulturako produktuak eraldatzeko eta merkaturatzeko laguntzen erregimena ezarri eta arautzen du, Europako Arrantza Funtsari (EAF) buruzko uztailaren 27ko 1198/2006 (EE) Erregelamenduaren esparruan eta 2007ko abenduaren 13an Europako Batzordearen C(2007) 6615 Erabakiaren bidez onartutako Espainiako arrantza-sektorerako 2007-2013 EAF Programa Eragilearen esparruan. Erregimen horrek enpresa txiki eta ertainei zuzeneko laguntzetan gauzatuko diren diru-laguntzak ematea ahalbidetzen du. Horri dagokionez, Mikroenpresa, enpresa txiki eta ertainen definizioari buruzko Batzordearen 2003ko maiatzaren 6ko 2003/361/6/EE Gomendioak xedatutakoarekin bat datozen enpresak izango dira enpresa txiki eta ertainak; edo, kategoria horretan bilduta ez dauden enpresen artean, 750 enplegatu baino gutxiago dituzten edo 200 milioi euro baino gutxiagoko negozio-bolumena duten enpresak. Adierazitako dekretu horren 14. artikuluak ezartzen duenez, urtero egingo da bertan ezarritako laguntzetarako deialdia; horrez gain, artikulu horretan biltzen den hainbat alderdi finkatuko da. Halaber, 2011ko ekitaldirako, Euskal Autonomia Erkidegoko Aurrekontu Orokorrak onartzeko abenduaren 23ko 5/2010 Legean, EAEko Ogasuna Antolatzen duten Printzipioen Legeren testu bateratu onartzeko azaroaren 11ko 1/1997 Legegintzako Dekretuaren 50. eta 51. artikuluak aldatzen dira, laguntzak izapidetzeko bide telematikoak errazteko. Euskal Autonomia Erkidegoko Ogasun Nagusiaren Antolarauei buruzko Legearen Testu Bategina onartzen duen azaroaren 11ko 1/1997 Legegintzako Dekretuaren 49.5 artikuluak ezartzen duenez, ekonomia-ekitaldi bakoitzeko Euskal Autonomia Erkidegoko Aurrekontu Orokorrak indarrean jartzen direnean, eguneratu, berrikusi, edo, hala badagokio, finkatu egingo dira programen diru-laguntzak emateko arauak; eta kasuan kasuko deialdia egingo da, bere garaian izaera mugagabez arautu zirenentzat. Euskal Autonomia Erkidegoko 2011. urteko Aurrekontu Orokorrak onartzen dituen abenduaren 23ko 5/2010 Legea onetsita, beraz, beharrezkoa da deialdi hori egitea. Ondorioz, hauxe EBAZTEN DUT: Lehenengoa. Xedea. Agindu honen bidez deialdia egiten da, 2011ko ekitaldirako, arrantzaren eta akuikulturaren ondoriozko produktuak eraldatu eta merkaturatzeko laguntzak emateko, abuztuaren 31ko 226/2010 Dekretuan xedatutakoarekin bat eginda (Lehiatu-Arrantza Programa). Bigarrena. Eskabideak aurkezteko epea eta eskabide-eredua. Abuztuaren 31ko 226/2010 Dekretuaren babesean emango diren laguntzen eskabideak aurkezteko epea hilabetekoa izango da, agindu honek ondorioak dituen egunetik zenbatzen hasita. Nolanahi ere, 2011ko urtarrilaren 1etik aurrera aurkeztutako proiektuak epe barruan aurkeztu direla ulertuko da. Eskaera inprimakia ondoko webgunean dago: www.nasdap.ejgv.euskadi.net. Hirugarrena. Aurrekontu-kreditua. […] El texto completo sigue en la publicación oficial.